<bgsound src="sher.wav" loop="infinite">
 
بیروڕا‌
ژن کوشتن و کلتوری ئیسلامیی.!
م. ماکوان کەریم

ژن کوشتن و کلتوری ئیسلامیی.!

لەسەردەمی پێغەمبەردا صلی اللە علیە وسلم موسڵمانان روویان نەدەهات ئافرەت بکوژن، ئەگەر چی لە شەڕیشدا بوونایە.. چونکە ئافرەت دەیقیژاند لە تاو قیژاندنیان دەستیان نەدەچوە کوشتنی ئافرەت، ئەگەر چی شەرکەرو دوژمنیش بوایە .. ئەمەش لەسەردەستی ئەبودوجانە روویداوە - رەزامەندی خوای لێبێت ، پاشان ئافرەتێك هاتە لای پێغەمبەر صلی اللە علیە وسلم .. فەرموووی زینام کردوە پێغەمبەری خوا تا ٥ ساڵ بۆی داپۆشی تا خۆی ئامادەکرد بۆ پاك بوونەوەی بۆ ئەوەی بچیتەوە بەردەم خوای پەروەردگاری ئەویش لە فەرمودەکاندا ناسراوە بە ئافرەتە غامدیەکە.. ئافرەتان لە ئیسلامدا مامۆستای گەورە پیاوانی ئێمە بوون وەك ئیمامی‌ بوخاری مامۆستاكه‌ی ناوی کەریمە بووە، مامۆستا ئیمامی مالیك ناوی عائیشەی کچی سەعدی ابی وەقاص بووە، پاڵپشتی‌ گەورەی ئەم ئیسلامە خاتو خەدیجە بووە پاڵپشتی پێغەمبەرو هەموو پارەی خۆی بۆ بانگەوازی ئیسلام داناوە، خاتو عائیشە زیاد لە ٦٠ هەزار فەرمودەی لە پێغەمبەره‌وە وەرگرتوەو فه‌توای بۆ پێشەوا ئەبوبەکرو عەمومەر راست کردۆتەوە- رەزامەندی خوایان لێبێت، کەس لە ناو موسڵماناندا پێی کەم نەبووە.!! هەزاران نمونەی تر لەبەر دەستدایە، بەڵام ئافرەتان نەیان پرسیوە لەسەردەمی عەلمانیەت و دیموکراسی و رووتکردنەوەی لاشەی ئەوان، بۆ وا دەکوژرێن.؟ ئەوه‌ کام کلتورە ئاراستەی کۆمەڵگا دەکات.؟! ئیسلامی یان عەلمانی.؟! ئەوه‌ کام وەزارەتی پەروەردەو راگەیاندن و خوێندنی باڵایە لەسەر بنەمای شەریعەتە، وا ئاراستە دەکات کە ئافرەتان بکوژرێت.!! ژنان و کچانی بەرێز ورد ببنەوە چاوبگێرن وەرنەوە بۆ ئەم ئایینە پیرۆزە با پارێزراوبن لە دەستی گڵاوی سەرمایەدارو چاوچنۆکیی و حەزی پیاوەکان کە لەسەر بنەمای سەرمایەداری تەماشاتان دەکەن.!

ئیمزا: ماكوان كه‌ریم
   ‌ 1318 جار خوێندراوه‌ته‌وه‌
04/03/2014
Facebook Twitter Print Addthis

هه‌موو مافه‌کان پارێزراوه بۆ ماڵپه‌ڕی مامۆستا مه‌لا ئه‌حمه‌د کاکه محمود - ساڵی دامه‌زراندن: 1428 - 1439 / 2008 - 2018
Create By: Telerik For IT Solutions
Facebook