<bgsound src="sher.wav" loop="infinite">
 
بیروڕا‌
هەڵەبجە هۆلۆکۆستی سیاسیە درۆزنەکانە.!
م. ماکوان کەریم

هەڵەبجە هۆلۆکۆستی سیاسیە درۆزنەکانە.!

ماکوان کەریم

ئەمجارە جیاوازتر بۆ یادی هەڵەبجە دەنوسم، جاران ئەدەبیات بوو عەزای ناوسینەی خۆم بوو بە کۆمەڵێك ووشەی جوان و ناسك  سۆزێك لە دڵمەوە بۆ هەڵەبجە دەهاتە دەرەوە، دیسان گازاندیە لە  ئەدای نامەعقولی دەسەڵاتە بەرانبەر ئەو شارو مەڵبەندو  زێدە.. ئاخر کەی  ڕاستیە بڵێن هەڵەبجە ناسنامەمانە کەچی خەڵکی ناسنامەکەی خۆی رێزلێنەگرێت نەیپارێزێت، بڵێن مەدلیای سنگمانە کەچی لە هەموو  کاتێکدا بۆ خۆ بردنە پێشەو لەسنگی بدەین و پاشان کە کاری مەیسەربوو پەراوێزو لەبیر بکرێت، ئەمە هەمووی پێناسەی هەڵەبجەیە.!
ئەو جادەیە و ڕێگاو بانەی  کە  بۆ لای مۆنومێنتەکە ڕاکێشراوە، پێویستە حوکومەت  هەستی ئەوەی هەبێت چەند مەترێك یاخود پشت ئەوێ بازاری ئەو شارەیە سیماو شەقام شۆستەکانی ساڵەکانی ٦٠ی سەردەمی بەعسیەکانە دەبوو بۆ ناوشاریش هەمان شەقام و شۆستەی دروست بکردایە، چونکە خەڵکە زیندوەکە لەوێدا ژیان دەکەن، دەبو ئێستا"باوەکۆچەك و گوڵان و عەبابەیلێ" سەدان پڕۆژەی هاوینەهاوار سەرنج راکێشایان لێدروست بکرایە ودەیان کۆمپانیای بیانی بهێنرایتە ئەو ناوچە، کەچی بەداخەوە ڕێگاو بانەکەشی قیرتاو نەکراوە!، دەبوو شاری هەڵەبجە هەموو ساڵیادێکی سەرۆك کۆمارو سەرۆك و وزیرانی عێراق لەوێ بوونایە یاخود بەرپرسانی عێراقی لێبوونایە، یان بەرپرسە باڵادەستەکانی خۆمان، بەداخەوە کەچی شەرم دەکەن لە هاتنیان بۆ هەڵەبجە!..
 ئایا تا ئێستا لە سەرکردە دیارەکانی کورد بوونی لەگەڵ ئەو خەڵکە ڕەشو رووتدا هەبوو؟
 بەداخەوە  دەبوو علی حەسەن مەجید لە دادگایی هەڵەبجە لە سێدارە بدرایە ئەویش نەبوو ، دەبوو سەدام لەسەر هەڵەبجە دادگایی بکرایە نەك "دوجیل" لەگەڵ رێزم بۆ شۆرشگێرانی دوجیلیش، بەڵام  هەرگیز ناگەتە تاوانی هەڵەبجە، دەبوو فرۆکەوانەکە  لە سویدەو کورد داوای گەڕاندنەوەی بکردایە کەچی ئەویش وون بوو ، هۆڵەنداو ئەڵمانیای و بەلجیکا کە هاوکار بوون بۆ فرۆشتنی چەکی قەدغەکراوی نێو دەوڵەتی بەعێراق دەبوو بە فەرمی ئێستا پارێزەرانی کورد لە نەتەوە یەكگرتوەکان وەك جولەکەکانی هۆلۆکۆست دوای مافی ئەو گەلەیان بکردایە تازە دڵمان خۆشە دوای ٢٥ ساڵ کێشەی هەڵەبجە بە جینۆسیادی نێو دەوڵەتی بناسێنین لە رێگای هەندێك لە دڵسۆزان وخەمخۆرانەوە.
هۆلۆکۆست واتا  شوشە شکاوەکان، یاخود سوتاوەکانی یەهود..
بە هەموو پێوەرێك لە جیهاندا بە هەموو یاسایەکی نێو دەوڵەتی بە هەموو بەرنامەیەکی ئاسامانیش گەورەترین تاوان لەم گەلە ستەمدیدەیە کراوە، کێشەکە لەوادایە ئێمە بۆ خۆمان خاوەنی کێسێکی بەهێزو براوەین ، بەڵام چیبکەین لەوەی کە پارێزەرەکانمان فاشلن و نەزانن لە ئاست رووداو کێسی ئەم گەلەی ئێمەدا..
لە تاو ئازار و سوێی هەڵەبجە خەڵکی ناچار بە هەموو چینو توێژەکانیانەوە نەفرەت دەکەن  لە ئادای دەسەڵاتی دەسەڵاتداران ، چیتان کردوە لە (مۆنومێنتێك) زیاتر بۆ شاری هەڵەبجە کە جیاوازتر بێت لە خەڵكی شارەکانی تر..دڵخۆش بن بەوەی کە هیچ نەبێت هەڵەبجە نازیان کێشراوە. لەکاتێکدا ئەوە خزمەت وپڕۆژانەی کە بۆ  جێگای حەوانەوی بەرپرسەکان کراوە وەك ناوچەکانی تر  هەر ئەوەندە داوا دەکات هەڵەبجەش و خەڵکی شارەکە وەك نمونەی قەڵاچوالان و سەری رەش ، من ناڵیم هیچ بۆ ئەوانە مەکەن ، بەڵام دەڵێم وەك ئە جێگایانە خزمەتی هەڵەبجە بکەن.
کاتێك کە یادی ١٦/٣ یە هەڵەبجە دەبێت خۆی ئامادە بکات بۆ سرودی گریان بۆ یادی پێنج هەزار گوڵە وەنەوشە لە باتی ئەوەی شانۆی ئەو شارە تراژیدەکانی خۆی بناسنێتەوە بەڕایگشتی و بە خەڵکی ناوچەکەو دنیای دەرەوە.. بەڵام نەوەکانی خۆیان ئامادە دەکەن کە بەرپرسان بدەنە بەر بەرد نەفرینتان لێدەکەن ، ئەرێ نەتان پرسی بوو؟
تۆ بڵێ ئەو خەڵکە جاش خۆفرشبن، ئێوەش  باش و نیشتیمان پەروەر؟
نا – دڵنیابن ئەو هاوکێشیە وانیە، بەڵکو ئێوە لە ئاستی داوای خەڵکیدا نەبوون، کەستان نیە لە سیاسیەکان و حیزبەکان بە ئیسلامی و عەلمانیەوە سودتان لە هەڵەبجە نەدیبێت، ئەوەندی سودوقازانجتان دیوە خزمەت بکەن بەو شارە لارەمل ومەلولە، کورد دەڵێت لە کانیەك ئاو لێ خواردەوە بەردی تێفرێمەدە..
کات ماوە دەتوانن هەڵەکانتان چارەسەر بکەن با بەر شەپۆل و نەفرین ئەو میللەتە نەکەون، دەبوو ئێستا هەڵەبجە پارێزگا بوایە بەلای کەمەوە، بەڵام ململانی سیاسی نێوخۆتان ئەو هەوڵەشی لەبار بردوە.. چیتر درۆ و مەکەن لەگەڵ هەڵەبجەدا - هەڵەبجە زامی هۆلۆکۆستی کوردانە زۆرمان بە خۆشەویستی هەڵەبجەوە بوینتە شاعیرو نوسەر زمان و پەنجەمان دارەدارەی قەڵەمی گرت، دوای هەموو قەڵەمەکان و شعرەکان نەفرینتان لێدەکەن و هانی ئەو خەڵکە ئەدەن بۆ شۆرشێك  کە دوایش مێژوو بیکاتە تۆپەڵە تفێك هیچ کەس نەتوانێت بیسڕێتەوە.


   ‌ 5230 جار خوێندراوه‌ته‌وه‌
14/03/2014
Facebook Twitter Print Addthis

هه‌موو مافه‌کان پارێزراوه بۆ ماڵپه‌ڕی مامۆستا مه‌لا ئه‌حمه‌د کاکه محمود - ساڵی دامه‌زراندن: 1428 - 1439 / 2008 - 2018
Create By: Telerik For IT Solutions
Facebook