<bgsound src="sher.wav" loop="infinite">
 
بیروڕا‌
پەیجی شێخ ئەحمەد کاکە مەحموود
عیرفان ئەحمەد کاکە مەحمود

پەیجی شێخ ئەحمەد کاکە مەحموود

لە خزمەت ئایینی پیرۆزی ئیسلام و گەلی کوردو مافە ڕەواکانیەتی..

بەناوی خوای بەخشندەو دلۆڤان

درودو سڵاو بۆ سەر گیانی پاکی پێشەوای مرۆڤایەتی موحەممەد و یارانیی و شوێنکەوتووانی..

کوردستانیانی بەرێز.. موسوڵمانانی خۆشەویست..

لە سەرەتای دانانی پەیجی شێخ ئەحمەد کاکە مەحموودەوە تا ئەمرۆ سوپاس بۆ خوا لە خزمەت دین و نەتەوەو مافە رەواکانی خەڵکی کوردستاندا بووین و سوپاس بۆ خوا رۆژ بە رۆژو مانگ بە مانگ و ئێستا ساڵ بە ساڵ لە گەشەو خزمەتکارییەکی بێ وێنەداین و لە ریز بەندی یەکەمی پەیجی ئیسلامیدان لە کوردستانی گەورەدا... ئەوەش فەزڵ و منەتی خوای گەورەیە..

ئێستاش بەڵێن دوپات دەکەینەوە کە ھەمیشە خزمەتکاری یەکەم بین لە بواری ئایینی و رۆشنبیری ئیسلامییەوە.. وە لەبواری خزمەت كردن به کوردایەتیی و نەتەوەکەمان کە شانازی بە کوردایەتیی و کوردبوونی خۆمانەوە دەکەین و خوای گەورە ئەم زمان و ئەم نەتەوەی ھێناوەتە بوون و پارێزگاری کردنیش لێی.. بە واجب و پێویستی دەزانین..

مێژووی شێخ ئەحمەد کاکە مەحموود و برایانی تری لە کاری ئیسلامەتیی و کوردایەتیی شاھێدی ئەم نەسرەوتنە دەدەن و چەک و دەمانچەی لا قەدیان بۆ پاراستنی خاکی کوردستان و موقودەساتی ئەم ئیسلامە شاھێدی زیندووی ئەو بوارەیە..

ئێستاش جەخت لەوە دەکەینەوە کە بەرگریکردن لە خاک و سنووری نیشتمانمان (کوردستانی ئازیز) بە واجب دەزانین و ھەموو جۆرە دەستدرێژییەک بۆ سەر ئەم خاک و ئاوەی نشینگەی کوردان رەت دەکەینەوە و گەلی کوردی موسوڵمان لە ناو ئەم جوغرافیا تەنراوە بە تورک و فارس و عەرەب تەنھا گەلێکە کە لەدوای ئەو ھەموو زوڵم و ستەمەی بەناوی ئیسلامەوە لە ژێر پەردەی عەلمانیەتدا لێی کراوە پابەندترو موحکەم تر لە چیاکانی کوردستان لەسەر مەنھەجی ئەھلی سوونە ماوەتەوەو ئەوەی ئێستاش بەرامبەری دەکرێ بە زوڵم و دەستدرێژی دەزانین و ھەڵوێستی روونمان لەو بارەوە ھەبووە.. 

دووپاتی دەکەینەوە کە ئێمە لە پەیجی شێخ ئەحمەد کاکە مەحموود خزمەتکاری رێبازی ئیسلامین و لەپاڵ ئەوەشدا خزمەتکاری نەتەوەکەی خۆمانین لە ھەموو بوارێکەوە..، وەک پێشتر چۆن جێ دەست و پەنجەمان لە دەعوەو بانگەوازو ھیجرەت و جیھاد دژی حزبی بەعس ھەبوو.. ئێستاش بە ھەمان شێوە جێ پێھەڵگری ئەو کەڵە زاناو عەمامە سپیانەی کوردستانین..

بەداخەوە ئێستا ناحەزان و دوژمانی ئایین و کوردایەتی بەھەموو جۆرێک لە درووستکردنی تۆمەت و وتەی نەشیاودان دژ بە پەیجی شێخ ئەحمەد کاکە مەحموود و ھەر رۆژەی ناوو ناتۆرەیەکی بۆ درووست دەکەن کە ئەوەش لە دۆراویی و دواکەوتنی فکریی و رۆشنبیریانەوەیە..

لە کۆتاییدا بەڵێن دەدەین ھەمیشە خزمەتکاری ئایینی پیرۆزی ئیسلام و نەتەوەکەمان بین نەتەوەی کوردی موسوڵمان... وە وتەیەکی شێخ ئەحمەد کاکە مەحموود دووپات دەکەینەوە کە لەسەر مافی کورد دەیگوت: یان ئەوەتا نابێت ھیچ گەل و نەتەوەیەک لە دونیای ئیسلامەتیدا – نیوە دوورگەی عەرەبیی و دراوسێکان – ناویان لەسەر نەخشەی جوگرافیای سیاسیی ھەبێ و ھەر وڵاتەی بۆخۆی دەوڵەتێک بێت، یان دەبێ کوردیش بۆخۆی دەوڵەتێک بێت، وەیان دەبێ ناوی ھەموو لەسەر نەخشە بسرێتەوەو ھەموویان وشەی (حکومەتی ئیسلامیی) کۆیان بکاتەوە..

سەرپەرشتیاری پەیجی شێخ ئەحمەد کاکە مەحموود

عیرفان ئەحمەد کاکە مەحموود

١١ ی شەعبانی ١٤٣٦ ی کۆچیی

٢٩ / ٥ / ٢٠١٥ ی زایینی

www.ahmadkaka.org

   ‌ 1120 جار خوێندراوه‌ته‌وه‌
09/03/2016
Facebook Twitter Print Addthis

12
هه‌موو مافه‌کان پارێزراوه بۆ ماڵپه‌ڕی مامۆستا مه‌لا ئه‌حمه‌د کاکه محمود - ساڵی دامه‌زراندن: 1428 - 1439 / 2008 - 2018
Create By: Telerik For IT Solutions
Facebook