<bgsound src="sher.wav" loop="infinite">
 
بیروڕا‌
لە تاقیکردنەوەی نەبوونی مەعاش و دواکەوتنی بوجەدا...!!
عیرفان ئەحمەد کاکە مەحمود

لە تاقیکردنەوەی نەبوونی مەعاش و دواکەوتنی بوجەدا...!!

ئەگەر خوا مەیلی لەسەر بێ و بیەوی خەڵکان تاقی بکاتەوە ئەوە زۆر بەئاسانی تاقییان دەکاتەوە بە چەندین تاقیکردنەوە.. بەڵام ھەمیشە مرۆڤ دەبێ بپارێـتەوەو بڵێ خودایا بەشتێک تاقیمان نەکەیتەوە کە لێی دەرنەچین و سەرکەوتوو نەبین.!!

لە تاقیکردنەوەی دواکەوتنی بودجەو نەبوونی مەعاشی کارمەندان، خوا بەتایبەت موسوڵمانی تاقیکردەوەو خستنیە بەردەم کۆمەڵێ بابەتی ھەستیاری ئەخلاقیات و ھەڵسوکەوت و لێپرسینەوە.. ئیتر ئەمجارە باس باسی نوێژو رۆژوو زەکات و سەردانی مزگەوت و شەو نوێژکردن نیە.. باسی خۆ کوشتن نیە بۆ بەجێھێنانی سووننەتەکان..!!

- ئەمجارە خوا دۆست و رەفیقی دیندارو بۆ خوا سوڵحاوی مەعاش خۆرو کارمەندی تاقیکردەوە بزانێ تا چەندە ئاگایان لەو برایانەیان ھەیە کە عانەیەکیان لە گیرفاندا نیەو چاوەرێش نین وەک ئەوان دوومانگ یان ٤٥ رۆژ جارێ مەعاش وەربگرن و ھاوکارییان بکەن..!! 

- ئەمجارە خوا خاوەن ماڵی موسوڵمانی ریش جوان و سیواک لە قەدی تاقیکردەوە بزانێ چەند بە صەبرو بە تاقەتە تا لە کرێی مانگێگی کرێچییە داماوو قوڕ بەسەرەکەی دەوەستێ یان خۆش دەبێ..؟؟!

- ئەمجارە خودا دوکاندارو خاوەن کۆمپانیاکانی تاقیکردەوە کە خۆیان بە شارەزا لە دین و بە ئاگابوون لە حەڵاڵ و حەرامدا حساب دەکەن، بزانێ تا چەندە لەو بوک و زاواو نۆ ماڵەکان و فەقیرو ھەژارەکان دەوەستن بۆ قیست و قەرزەکانیان..؟!

- من بەچاوی خۆم ڕوداوو کارەساتی زۆر سەیرم دیت و زۆر کەسم بینی کە لە نەھامەتیی و بێ کەسیی و قەرزو قۆڵەدا دەیگوت تۆ بڵێی ئەم زەمەنە زەمەنی ئیسلام و موسوڵمانان بێ..!!

خوایە جیلی راستەقینەی ئیسلاممان بۆ بگەرێنەوە..!! ئامين

   ‌ 1167 جار خوێندراوه‌ته‌وه‌
09/03/2016
Facebook Twitter Print Addthis

12
هه‌موو مافه‌کان پارێزراوه بۆ ماڵپه‌ڕی مامۆستا مه‌لا ئه‌حمه‌د کاکه محمود - ساڵی دامه‌زراندن: 1428 - 1439 / 2008 - 2018
Create By: Telerik For IT Solutions
Facebook