<bgsound src="sher.wav" loop="infinite">
 
ژیاننامه
باسی یه‌كه‌م: ناو و كه‌سناوو نازناوو بنه‌ماڵه‌و ڕه‌چه‌ڵه‌كی‌

باسی یه‌كه‌م

ناو و كه‌سناوو نازناوو بنه‌ماڵه‌و ڕه‌چه‌ڵه‌كی‌

ناوو ساڵ و وشوێنی له‌ داییكبوونی:

 له‌ به‌هاری‌ ساڵی‌ (1950) زایینیدا له‌ وه‌رزێكی‌ زۆر به‌پیت و به‌ره‌كه‌تی‌ ئه‌و ساڵه‌داو له‌ گوندی یاڵانپێی‌ سه‌ر به‌ ناحیه‌ی خورماڵ و پارێزگای هه‌ڵه‌بجه‌ی شه‌هید، له‌ باوك و دایكێكی ماندوونه‌ناس و خواویست و دین خۆشه‌ویست، له‌ داییك ده‌بێ و چاو به‌ دونیادا هه‌ڵدێنێ، پاشان ناوی لێ ده‌نێن (ئه‌حمه‌د) له‌ خۆشه‌ویستییان بۆ پێغه‌مبه‌ری نازدارو سه‌روه‌رمان (صلی‌ الله علیه وێ‌له وسلم)، واته‌ ناوی: (ئه‌حمه‌د كوڕی كاكه‌، كوڕی مه‌حموود، كوڕی عه‌لی، كوڕی خدره‌).

 كه‌سناوو شۆره‌تی‌:

 هه‌رچه‌ند له‌ناو كۆمه‌ڵگه‌ی‌ كورده‌واریدا كه‌سناوو كونیه‌و شۆره‌ت باوو عاده‌ت نیه‌، به‌لاَم مامۆستا ئه‌حمه‌د له‌ ماڵه‌وه‌و له‌ناو هه‌ندێك له‌ دۆست و خۆشه‌ویستانیدا به‌ (باوكی فاروق)، بانگ ده‌كرا.

 نازناوی‌:

مامۆستا مه‌لا ئه‌حمه‌د كاكه‌ مه‌حموود له‌ناو خه‌ڵكیدا به‌ ناوی باوكیی و باپیرییه‌وه‌ به‌ناو بانگ بوو، هۆكاری ئه‌وه‌ش ده‌گه‌ڕێـته‌وه‌ بۆ ئه‌وه‌ی كه‌ زۆربه‌ی كتێب و نووسراوه‌كانی له‌سه‌ری نووسرابوو (ئه‌حمه‌د كاكه‌ مه‌حموود)، به‌لاَم له‌ناو دۆست و خۆشه‌ویسته‌ نزیكه‌كانی به‌ (مامۆستا مه‌لا ئه‌حمه‌د) یان (مه‌لا ئه‌حمه‌د) ناوزه‌د ده‌كراو بانگی لێ ده‌كرا، وه‌ جارجاره‌ش به‌ (مه‌لا ئه‌حمه‌دی یالاَنپێ) ده‌ناسرایه‌وه‌.



   ‌ 2993 جار خوێندراوه‌ته‌وه‌
هه‌موو مافه‌کان پارێزراوه بۆ ماڵپه‌ڕی مامۆستا مه‌لا ئه‌حمه‌د کاکه محمود - ساڵی دامه‌زراندن: 1428 - 1439 / 2008 - 2018
Create By: Telerik For IT Solutions
Facebook