<bgsound src="sher.wav" loop="infinite">
 
بۆچوون و فه‌تواکانی
پرس و راوێژ لەسەر نوێژ گێڕانەوە.؟

پرس و راوێژ لەسەر نوێژ گێڕانەوە.؟

نووسین و وەڵامدانەوەی شێخ ئەحمەد كاكە مەحموود

ـــــــــــــــــــــــــــــــــــــــــــــــــــــــــــــــــــــ

وەڵام/

1- ئەگەر ژنێكی زەیسان، یان خاوەن حەیز، بەر لە بانگی بەیانی پاكەوە بوو، دەبێ‌ نوێژەكانی شێوان و خەوتنانیش بكاتەوە.

2- ئەگەر ژنێك بەر لە مەغریب پاكەوە بوو، دەبێ‌ نوێژەكانی (نیوەڕۆ)و (عەسر)یش بكاتەوە.

3- ئەگەر ژنێك بە هۆی ئێش و ئازاری منداڵبوونەوە، رۆژێ‌ دوو رۆژ بێ‌ تواناو بێ‌ ئاگابوو لە نوێژەكانی و خوێنیشی نەبوو، دەبێ‌ قەزای نوێژەكانی بكاتەوە، چونكە ئەو حاڵەتە نابێتە هۆكار بۆ نوێژ نەكردن، ئەمە لە لایەكەوە، لە لایەكی ترەوە، ئەو چەند رۆژە خوێنی نەبووە، تا بە زەیسان دابنرێ‌.

4- ئەگەر ژنێك كات ژمێر (1)ی پاش نیوەڕۆ كەوتە بێ‌ نوێژییەوەو، هێمان نوێژی نیوەڕۆی نەكردبوو، ئایا هەقە نوێژەكەی نیوەڕۆی بكاتەوە؟ بەڵێ‌ پێویستە نوێژەكەی بكاتەوە.

پرس و راوێژ لەسەر نوێژ گێڕانەوە بە قەزا.؟

وەڵام/

1- هەر نوێژێك لە كاتی خۆیدا نەكرا، پێویستە بە شێوەی تەرتیب (واتە: یەك لە دوای یەك) قەزا بكرێتەوە، بۆ نموونە: بەیانی، نیوەڕۆ، ئینجا عەسر..تاد.

2- ئەو كەسەی لە دوای هەڵاتنی خۆرەوە نوێژی بەیانی دەكات، (شێخ بن باز) دەڵێ‌: ئەگەر بە دەست ئەنقەست و تەمەڵی بێت، بەلای تەواوی زانایانەوە پێی كافر دەبێ‌، بۆیە حەرام و قەدەغەیە كە موسڵمان لە كاتی خۆیدا شەو نەخەوێ‌، تابتوانێ‌ بە رێك و پێكی لە كاتی خۆیدا نوێژەكانی بكات.

3- (شێخ بن باز) دەڵێ‌: هەر كەسێك دەست ئەنقەست نوێژ تەرك بكات، ناتوانێ‌ قەزای بكاتەوە، بەڵكو دەبێ‌ تەوبە بكات و پەشیمان ببێتەوەو بریار بدات جارێكی تر كاری وانەكات.. خۆ ئەگەر نوێژێكی لە بیر چوو، یان لەبەر نەخۆشی بۆی نەكرا، یان لە خەو خەبەری نەبووەوە.. دەبێ‌ ئەوانە قەزا بكاتەوە.

4- ئەگەر ژنێك لە حەیز پاكەوە بوو و هێمان كاتیش ئەوەندەی مابوو خۆی بشۆرێ‌ و نوێژەكەی بكات، كەچی نەیكرد، دەبێ‌ ئەو نوێژە بە پەلە بكاتەوە.


بو برس و راويزى زياتر / 07719086516 + 07702493755

لينكي به يج/

https://www.facebook.com/ahmadkakmahmood/photos/a.304749659616541.69624.303702429721264/816971801727655/?type=1&__mref=message_bubble





   ‌ 81742 جار خوێندراوه‌ته‌وه‌
14/08/2015

هه‌موو مافه‌کان پارێزراوه بۆ ماڵپه‌ڕی مامۆستا مه‌لا ئه‌حمه‌د کاکه محمود - ساڵی دامه‌زراندن: 1428 - 1439 / 2008 - 2018
Create By: Telerik For IT Solutions
Facebook