<bgsound src="sher.wav" loop="infinite">
 
بۆچوون و فه‌تواکانی
پرس و راوێژ لەسەر ژنان و ئیستیحاضة.؟

پرس و راوێژ لەسەر ژنان و ئیستیحاضة.؟

نووسین و وەڵامدانەوەی مامۆستا ئەحمەد کاکە مەحموود

ــــــــــــــــــــــــــــــــــــــــــــــــــــــــــــــــ

وەڵام/

1- ئیستیحاضة: بەو خوێنە دەڵێن لە جێگەی حەیزەوە بە دەوام دێتە دەر، وەیان ئەگەر رۆژێ‌ دوو رۆژ ببڕێت، دیسان دێتەوە.

2- لە ماوەی ئیستیحازەدا وا دادەنرێت ئەو ژنە پاكەو، دەبێ‌ بۆ نوێژەكان هەمووجار چاوەروان بێت تا بانگ دەبێت، ئەوسا بۆ هەموو نوێژێكی كات بۆ دیارییكراو دەستنوێژ دەگرێت، بەڵام بۆ نوێژی كات بۆ دیاریی نەكراو، هەركات ویستی نوێژ بكات، دەستنوێژ دەگرێ‌ و نوێژ دەكات.

3- هەركات ویستی دەستنوێژ بگرێ‌، دەبێ‌ ئەو جێگایە خوێنی بەركەوتووە بیشۆرێ‌ و، پاشان پارچەیە لۆكە بخاتە دەرگای (فەرج)یی و بە شتێك شەتەكی بدات، بۆ ئەوە خوێنەكە راگرێ‌ و نەیەتە دەر، خۆ ئەگەر پاش ئەوە هەر هات، هیچ زیانێكی نییە.

4- هەندێ جار بەهۆی نەشتەرگەری منداڵدانی ژنانەوە یان هی جێگایەكی تر، خوێن بە (فەرج)یانەوە دێتە دەر، جا بۆ ئەم خوێنەیە دوو حاڵەت هەیە:

- دەبێ‌ بزانێ‌ كاتێ‌ كە نەشتەرگەری منداڵدانی دەكاو فرێی دەدات، یان دەیبەستێ‌ و ناگونجێ‌ خوێنی لێ‌ بێتە دەر، لەم حاڵەتانەدا ناكرێ‌ لەگەڵ ئەو خوێنەدا مامەڵەی (ئیستیحاضة) بكرێ‌، بەڵكو دەبێ‌ وەكو ئەو ژنانە بكەن كە پاش (طهارة) خوێنێكی زەرد، یان تەڕایی دەبینن، واتە: دەبێ‌ نوێژ بخوێنن و رۆژوو بگرن و رێ‌ لە تێكەڵی مێرد نەگرن، وە خۆ شتنیان لەسەر نیە، بەڵام لەكاتی نوێژەكاندا خوێنەكەیان دەشۆن و بەشێك لە (فەرج)یان شەتەك دەدەن و كاتی نوێژ دەستنوێژ دەگرن.

- دەبێ‌ وا نەزانێت پاش نەشتەرگەری، حەیز نابێت، بەڵكو دەكرێ‌ خوێنی حەیز پەیدا بێ‌، جا ئەوكاتە وەكو ژنانی خاوەن ئیستیحاضة مامەڵەیان لەگەڵ دەكرێ‌.

5- ژنانی خاوەن ئیستیحاضة بۆ ئەنجامدانی نوێژەكان – لەو ماوەدا – خۆ ششتنیان لەسەر نیە، مەگەر كاتێ‌ خۆی بشۆرێ‌ بۆ تەواوكردنی ماوەی سوڕی خوێنیان.

6- ژنانی خاوەن ئیستیحاضة دەتوانن لەگەڵ مێردەكانیاندا سەرجێی بكەن.

7- ژنانی خاوەن ئیستیحاضة سێ‌ حاڵەتیان بۆ هەیە:

- عادەو سوڕی مانگانەی خۆی هەیە، ئینجا هەركات كەوتە ئەو رۆژانەوە دەست لە نوێژ هەڵدەگرێت و پاشان خۆی دەشۆرێت و نوێژەكانی دەكات، ئیتر سوڕی خوێنەكەی زۆر بێت یان كەم، ژنی وا هەیە لە مانگێكدا (5) رۆژ لە حەیزدایەو (15) رۆژی پاكە پاشان دیسان (5) رۆژ دەكەوێتەوە حەیزەوەو (15) رۆژ پاك دەبێ‌، ئیتر هەر بەو پێیە، ژنی وایش هەیە مانگەكەی (35) رۆژەو (7) رۆژی لە حەیزدایە و (28) رۆژی پاكە، هەر بەوپێیە.

- ئەو ژنانەش بەتەواوی سوڕی مانگانەی خۆیان لێ تێكدەچێت، زاناكان پێیان دەڵێن: (محیرە)، واتە: سەرگەردان و رێگە نەزان، ئەمانە دەبێ‌ پتر لەماوەی زۆربەی ژنانی خزمی خۆیان (دایك و دایە گەورەو خوشك..) چاوەروان بكەن و دەست لە نوێژو..هتد، هەڵبگرن، بەو مانایە ئەگەر سوری مانگانەی ئەوان (7) رۆژ بێت، با ئەمانیش (7) رۆژی ناو بنێن حەیزو نوێژو رۆژوو ئەحكامەكانی حەیزی تێدا راگرن.


www.ahmadkaka.org

erfankaka77@gmail.com

لينكي به يج/
https://www.facebook.com/ahmadkakmahmood/photos/a.304749659616541.69624.303702429721264/811755498915952/?type=1&__mref=message_bubble

   ‌ 9090 جار خوێندراوه‌ته‌وه‌
15/08/2015

هه‌موو مافه‌کان پارێزراوه بۆ ماڵپه‌ڕی مامۆستا مه‌لا ئه‌حمه‌د کاکه محمود - ساڵی دامه‌زراندن: 1428 - 1439 / 2008 - 2018
Create By: Telerik For IT Solutions
Facebook