<bgsound src="sher.wav" loop="infinite">
 
هه‌واڵ
لە شاری ھەولێر زانایان و دۆستان و ھاورێیانمان بەسەر کردەوە

لە شاری ھەولێر زانایان و دۆستان و ھاورێیانمان بەسەر کردەوە.

لە یەکەم رۆژی پێشانگای نێودەوڵەتی کتێب لەشاری ھەولێر سەردانی شاری ھەولێرمان کردو  بەیاوەری کاک فاروقی برام و کاک ھەردی ئەنوەر چەندین سەردان و بەسەرکردنەوەی زانایان و دۆستانمان ئەنجامدا ، وەک وەفاو پێزانین بۆ دۆستانی بابم و ھەروەھا دۆستان و ھاورێیانی دڵسۆزو بە پەرۆشم بەتایبەت ئەو برایانەی کە لە پرۆژە بانگەوازییەکانی بابم ھاوکارو پاڵپشتمن زۆرینەیانمان بەسەر کردەوەو ، پاشان لەناو پێشانگاش چاومان بەدەیان کەسایەتی ئیسلامی کەوت و لە نزیکەوە چەندین باس و بابەتی گرنگ لەسەر بواری بانگەواز و گرنگیدان بەو بوارە خرایە بەر باس و لێکۆڵینەوە .. لەو سەردانەماندا ئەم بەرێزانەمان بەسەر کردەوە :

- مامۆستا عەلی تاھیر. - مامۆستا عبدالغنی تاھا. - مامۆستا عەلی باپیر. - مامۆستا مەلا نادر کانی کوردەیی. - مامۆستا ئیدریس کاریتانی. - دکتۆر فازیل عبدالواھاب. دکتۆر ئیبراھیم تاھیر مەعروف. - حاج ئازاد حوجرانی. - حاجی ئازاد عبدالوھاب. - حاج کاروانی بانگخواز. - مامۆستا سەیید ئەحمەد عبدالوھاب. - دکتۆر عبدالواحید محمد. - مامۆستا محمدی ملا فائق. - جەنابی دکتۆر ئیبراھیم مەشھەدانی. - کاک سەلیم کۆیی. - مامۆستا حەسەن بابەکر. - مامۆستا غازی عەلی . - مامۆستا فاتیح شارستێنی. - برایان و دۆستانم لە دەنگی رۆشنایی ، چەندین خزم و دۆستی تر کە لە خزمەتیاندا بووین.

- ئەوەی گرنگە بوترێ دۆستان و ھاوکارانم لە پرۆژە بانگەوازیەکانی بابم ئەوەندە خۆم بە قەرزاریان دەزانم نازانم بە چ زمانێ شوکرو تەقدیریان بکەم ، لەم سەردەمی بێ نازی و بێ سەرپەرشتی کاری ئیسلامییەدا ئەو برایانەم نەبوایە تووشی ھەزار دەردو نەخۆشی نەفسی دەبووین ، خوا لە منیان نەسێنێ و زۆر سوپاسی لوتفیان دەکەم. 

- وە لێرەوە زۆر زۆر سوپاسی مامۆستا غازی عەلی دەکەم کە نامیلکەیەکی وەرگێڕاوی جەنابی باوکمی بە دیاری پێ بەخشیمەوە کە یەکەمین کاری وەرگێردراوی جەنابی بابمە لە ساڵی ١٩٧٨ی زایینی وەرێگێراوە ، بەناوی (خوا لە روانگەی زانیارییەوە).

داوای لێبوردنیش لە زانایان و دۆستانی دیکەمان دەکەم کە ئەمجارە نەمانتوانیوە بە خزمەتیان بگەین بە ھۆی سەرقاڵیمان بە پێشانگای کتێبەوە.

   ‌ 1665 جار خوێندراوه‌ته‌وه‌
16/10/2018

هه‌موو مافه‌کان پارێزراوه بۆ ماڵپه‌ڕی مامۆستا مه‌لا ئه‌حمه‌د کاکه محمود - ساڵی دامه‌زراندن: 1428 - 1439 / 2008 - 2018
Create By: Telerik For IT Solutions
Facebook